Dáil Éireann debate -
Tuesday, 1 Mar 1994

Vol. 439 No. 5

Written Answers. - Scoil Náisiúnta i nDún na nGall.

Dinny McGinley

Question:

234 D'fhiafraigh Mr. McGinley den Aire Oideachais an bhfuil iarratas faighte ina Roinn maidir le hobair dheisiúcháin agus córas nua teasa do Scoil Náisiúnta Chaiseal na gCórr (Gort a Choirce) i nDún na nGall, cén dáta ar fritheadh an t-iarratas; an bhfuil sé á mheas faoi láthair; cad iad na hoibreacha atá i gceist agus an gceadófar deontais don obair phráinneach seo gan mhoill.

Minister for Education (Ms Bhreathnach)

Fuarathas iarratas ar an 3ú Eanáir, 1990, ar dheontas i leith obair dheisiúcháin agus córas teasa do Scoil Náisiúnta Chaiseal na gCorr. Tá an obair dheisiúcháin críochnaithe cheana féin agus tá an deontas cuí íoctha ina leith siúd. Maidir leis an gcóras teasa, táthar ag súil go ndéanfar cinneadh go luath agus cuirfear freagra chuig an Bord Bainistíochta a luaithe is féidir.