An Bille um Cheartas Coiriúil (Fianaise Dlí-Eolaíochta agus Córas Bunachair Sonraí DNA) 2010

Bille dá ngairtear Acht do leasú an dlí d'fhonn a údarú samplaí colainne a thógáil le haghaidh tástála dlí-eolaíochta ó dhaoine a bhfuil drochamhras orthu i leith cionta coiriúla áirithe; do dhéanamh socrú maidir le samplaí colainne áirithe a thógáil ó dhaoine ar deoin leo go dtógfaí samplaí den sórt sin uathu d'fhonn imscrúdú a dhéanamh ar chionta nó ar eachtraí a bhféadtar go raibh déanamh cionta i gceist iontu; do dhéanamh socrú go mbunóidh agus go n-oibreoidh Eolaíocht Fhóiréinseach Éireann de chuid na Roinne Dlí agus Cirt, Comhionannais agus Athchóirithe Dlí Córas Bunachair Sonraí DNA; do dhéanamh socrú maidir le samplaí colainne áirithe a thógáil ó dhaoine a bhfuil drochamhras orthu i leith cionta coiriúla áirithe nó a chiontófar i gcionta den sórt sin chun próifílí DNA a iontrálfar sa rannán imscrúdaithe den Chóras Bunachair Sonraí DNA a ghiniúint i leith na ndaoine sin; do dhéanamh socrú maidir le samplaí colainne a thógáil ó dhaoine áirithe chun na daoine sin a eisiamh agus a bpróifílí DNA a iontráil sa Chóras Bunachair Sonraí DNA; do dhéanamh socrú maidir le samplaí colainne áirithe a thógáil ó dhaoine, nó samplaí a thógáil ó nithe, chun próifílí DNA a iontrálfar sa rannán sainaitheantais den Chóras Bunachair Sonraí DNA a ghiniúint i leith na ndaoine sin nó daoine atá ar iarraidh; do dhéanamh socrú maidir le críocha an Chórais sin; do dhéanamh socrú, in imthosca áirithe, maidir le samplaí a thógtar faoin Acht seo a dhíothú agus maidir le haon phróifílí DNA a ghintear ó na samplaí sin a dhíothú nó a bhaint den Chóras Bunachair Sonraí DNA; d'aisghairm an Achta um Cheartas Coiriúil (Fianaise Dlí-Eolaíochta) 1990; do thabhairt éifeachta, go páirteach, do Chinneadh 2008/615/JHA an 23 Meitheamh 2008 I.O. Uimh. L210, 6.8.2008, lch.1 ón gComhairle; do leasú an Achta um Cheartas Coiriúil (Cúnamh Frithpháirteach) 2008; do leasú an dlí choiriúil a bhaineann le méarloirg agus loirg dhearnan a thógáil ó dhaoine áirithe; agus do dhéanamh socrú i dtaobh nithe gaolmhara

Nuashonraithe go deireanach: 1 Feabh 2011

Urraithe ag: Minister for Justice, Equality and Law Reform

Foinse: Government

Teach Tionscnaimh: Dáil Éireann