An tAcht um Chomhshaol Uisce (Astógálacha agus Gaibhnithe Gaolmhara), 2022

Bille dá ngairtear Acht do dhéanamh socrú maidir le hastógálacha uisce agus na gaibhnithe atá gaolmhar leo a rialáil; do thabhairt tuilleadh éifeachta do Threoir 2000/60/CE ó Pharlaimint na hEorpa agus ón gComhairle an 23 Deireadh Fómhair 2000 lena mbunaítear creat do ghníomhaíocht Chomhphobail i réimse an bheartais uisce; do dhéanamh socrú maidir leis an Aire Tithíochta, Rialtais Áitiúil agus Oidhreachta do rialáil astógálacha uisce nach gá ceadúnas ina leith; do dhéanamh socrú maidir leis an Aire do dhéanamh rialacháin chun earnálacha áirithe astógála uisce a dhíolmhú ó cheanglais áirithe den Acht; do dhéanamh socrú maidir le clár d’astógálacha uisce a bhunú; do dhéanamh socrú maidir le hastógálacha uisce a cheadúnú; do dhéanamh socrú chun go ndéanfaidh an tAire, le hordú, an ráta laethúil astógála a shonrú ar gá clárú agus ceadúnú ina leith; do dhéanamh socrú maidir le feidhmeanna ceadúnúcháin agus feidhmeanna áirithe forfheidhmiúcháin a thabhairt don Ghníomhaireacht um Chaomhnú Comhshaoil; do thabhairt tuilleadh éifeachta do Threoir Uimh. 2011/92/AE ó Pharlaimint na hEorpa agus ón gComhairle an 13 Nollaig 2011 maidir le héifeachtaí tionscadal poiblí agus príobháideach áirithe ar an gcomhshaol a mheasúnú arna leasú le Treoir 2014/52/AE ó Pharlaimint na hEorpa agus ón gComhairle an 16 Aibreán 2014; do dhéanamh socrú maidir le hUisce Éireann do dhéanamh astógálacha chun a fheidhmeanna a chomhlíonadh; do dhéanamh socrú maidir le hastógálacha sealadacha agus éigeandála áirithe is gá d’Uisce Éireann a dhéanamh agus maidir leis na hastógálacha sin a dhíolmhú ó cheanglais áirithe den Acht; do dhéanamh socrú maidir le cúiteamh i leith astógálacha áirithe arna ndéanamh ag Uisce Éireann; do dhéanamh socrú maidir le hUisce Éireann do dhéanamh astógálacha as taiscumair de chuid Bhord Soláthair an Leictreachais; do dhéanamh socrú maidir le socruithe áirithe a bhaineann le hastógálacha as canálacha nó uiscí inseolta; do thabhairt feidhmeanna áirithe forfheidhmiúcháin d’údaráis áitiúla; d'aisghairm an Achta Soláthairtí Uisce, 1942 agus forálacha áirithe den Acht Rialtais Áitiúil (Seirbhísí Sláintíochta), 1964 agus den Acht Rialtais Áitiúil (Truailliú Uisce), 1977 agus do chúlghairm Rialacháin an Aontais Eorpaigh (Beartas Uisce) (Clárú Astógálacha), 2018 (I.R. Uimh. 261 de 2018); do leasú Acht na gCanálacha, 1986, Acht Uiscebhealach na Sionainne, 1990 agus an Achta um Pleanáil agus Forbairt, 2000; agus do dhéanamh socrú i dtaobh nithe gaolmhara.

Nuashonraithe go deireanach: 20 Noll 2022

Urraithe ag: Minister for Housing, Local Government and Heritage

Foinse: Government

Teach Tionscnaimh: Seanad Éireann