Achoimre
Tá an comhairliúchán poiblí anois dúnta.
Iarrann an Coiste um Oideachas agus Scileanna aighneachtaí maidir lena athbhreithniú ar oideachas caidrimh agus sláinte ghnéis lena n-áirítear frithghiniúint, toiliú agus nithe gaolmhara.
Cur síos ar an gcomhairliúchán
Ina chlár oibre, ghabh an Coiste um Oideachas agus Scileanna air féin athbhreithniú a dhéanamh ar oideachas caidrimh agus sláinte ghnéis, agus nithe a bhaineann le frithghiniúint agus toiliú, i mbunscoileanna agus in iar-bhunscoileanna, i gcoláistí, i gclubanna óige agus in eagraíochtaí eile a bhfuil baint acu le hoideachas agus idirghníomhaíochtaí le daoine óga.
Ba mhaith leis an gCoiste cloisteáil ó dhaoine aonair agus ó ghrúpaí a bhfuil suim acu sna saincheisteanna seo.
Le linn duit d'aighneacht a ullmhú, b'fhéidir gur mhaith cuimhneamh freisin ar an ábhar agus ar sholáthar na faisnéise a bhaineann le saincheisteanna níos leithne, mar atá léiriú gnéasach caidrimh atá sláintiúil agus dearfach, saincheisteanna LADTA+, agus an fhaisnéis ar féidir teacht uirthi ar líne, sna meáin shóisialta agus sna meáin chlóite agus an tionchar atá aici ar chaidreamh agus ar fhéinmheas.
Breithneoidh an Coiste aon aighneachtaí oiriúnacha i scríbhinn a fhaightear agus féadfaidh sé cinneadh a dhéanamh cuireadh a thabhairt do roinnt rannpháirtithe chuig éisteachtaí poiblí, má mheastar gur gá é sin a dhéanamh.
Spriocdháta
Is é an spriocdháta chun aighneachtaí a fháil a 12 meán lae, Dé hAoine, 20 Aibreán 2018.
Conas d'aighneacht a chur isteach
Seol doiciméad leictreonach (PDF/MS Word nó a chomhionann) i ríomhphost chuig RSEreview@oireachtas.ie..
Ar mhaithe le mearbhall agus dúbláil a sheachaint, iarrtar ort gan cóipeanna crua de d'aighneacht a sheoladh isteach.
Ná cuir d'aighneacht chuig comhaltaí coiste ar leith. Déanfaidh an Cléireach cinnte de go bhfaighidh na comhaltaí uile cóip de gach aighneacht.
A bhfuil le cur san áireamh i d'aighneacht
Ba chóir go mbeadh an doiciméad aighneachta san aighneacht mar aon le litir chumhdaigh ar leith. Cuirfidh sé sin ar chumas an Choiste d'aighneacht a fhoilsiú gan do shonraí teagmhála.
Bíodh an méid seo a leanas san áireamh sa litir chumhdaigh:
- d'ainm, do sheoladh poist, do sheoladh ríomhphoist agus d'uimhir ghutháin theagmhála
- má tá an aighneacht á déanamh ar son eagraíochta, an post atá agat san eagraíocht sin
- achoimre ghairid ar an bhfáth a bhfuil an aighneacht á déanamh agat
- cuir in iúl cé acu atá tú sásta a bheith i láthair i seisiún poiblí ag cruinniú coiste nó nach bhfuil
Bíodh an méid seo a leanas sa doiciméad aighneachta:
- réamhrá gairid, mar shampla, míniú ar do réimse saineolais
- aon fhaisnéis fhíorasach atá agat óna bhféadfadh an coiste teacht ar chonclúidí, nó a d'fhéadfaí a chur chuig páirtithe eile lena dtuairimí siúd a fháil
- naisc chuig aon fhoilseacháin a dtagraíonn tú dóibh; ní gá foilseacháin den sórt sin a sheoladh mar cheangaltáin
- aon mholtaí don choiste; bí chomh sonrach agus is féidir agus déan achoimre ar do chuid moltaí ag deireadh an doiciméid
- má bhíonn do dhoiciméad níos mó ná deich leathanach ar fad, achoimre feidhmiúcháin ar na príomhphointí a rinneadh san aighneacht
Ná dearmad uimhreacha a chur ar na leathanaigh.
Leideanna maidir le d'aighneacht a scríobh
Coinnigh d'aighneacht gonta agus ábhartha. Ná cuir san áireamh aon ábhar neamhriachtanach ná iomarcach nach mbaineann go díreach leis an topaic.
Má dhéanann tú tagairt d’fhoilseacháin eile, tabhair naisc chuig na foilseacháin sin freisin. Ní gá iad a sheoladh mar cheangaltáin.
Cuimhnigh ar uimhreacha a chur ar na leathanaigh.
Más mian leat treoir níos mionsonraithe a fháil maidir le d'aighneacht a scríobh, déan teagmháil leis an gCléireach don Choiste, Alan Guidon.
Faisnéis thábhachtach
Ní féidir leis an gCoiste aighneachtaí a bhreithniú ina bpléitear le nithe atá lasmuigh dá shainchúram.
Ní féidir leis an gCoiste aighneachtaí a bhreithniú ina bpléitear le cásanna aonair.
Féadfar nach nglacfar le haighneachtaí a sheolfar chuig aon seoladh ríomhphoist eile.
Ní ghlacfar le haighneachtaí ó dhaoine nach dtugann a n-ainm agus diúltófar dóibh.
Ní ghlacfar le hachainíocha agus litreacha ginearálta ná ní fhoilseofar iad.
Féadfar aighneachtaí a dhéanfar chuig Coiste a fhoilsiú mar a fhaightear iad, mar chuid de thuarascáil ón gCoiste, nó ar leithligh, má chinneann an Coiste é sin a dhéanamh.
Tá próiseas poiblí i gceist le haighneacht a dhéanamh.
Níl sé de dhualgas ar an gCoiste glacadh le do dhoiciméad nuair a chuirtear isteach é, agus níl sé de dhualgas air aon chuid den aighneacht, nó an aighneacht go léir, a fhoilsiú má ghlactar léi. Tá próiseas poiblí i gceist le hoibríochtaí parlaiminte, áfach, agus ba chóir go mbeadh a fhios agat go bhféadfar aighneachtaí ar bith a dhéantar chuig Coiste, ina bhfuil d'aitheantas san áireamh, a fhoilsiú mar chuid de thuarascáil ón gCoiste, nó ar leithligh, má chinneann an Coiste é sin a dhéanamh.
Teagmháil:
Cléireach don Choiste:
Alan Guidon
(01) 618 3848