Siompóisiam na Parlaiminte 2022

Tuilleadh eolais faoi Shiompóisiam na Parlaiminte

Cúlra an tSiompóisiam

Ba thionscnamh é Siompóisiam na Parlaiminte leis an Uas. Seán Ó Fearghaíl TD, Ceann Comhairle, roimh an gcéad seisiún Oireachtais eile, chun sampla ionadaíoch de dhearcthaí a thaispeáint do na comhaltaí parlaiminte agus do na grúpaí ionadaíocha agus daoine aonair a bhfuil suim acu ann agus chun comhráite a spreagadh faoi éagsúlacht a mhéadú laistigh dár ndaonlathas ionadaíoch. Is iad na cruinnithe den sórt seo a chruthaíonn deis thábhachtach roimh thús an téarma reachtaíochta ionas go mbeidh Comhaltaí agus aíonna in ann teacht le chéile agus machnamh a dhéanamh ar ábhar nach bpléitear rómhinic laistigh de theorainneacha an Oireachtais, chun caidrimh fhada agus fhiúntacha a chothú le guthanna ón taobh amuigh chun glacadh lena ndearcthaí agus lena dtuairimí.

Ba é seo an 3ú Siompóisiam arna óstáil ag an gCeann Comhairle. Rinne an chéad Siompóisiam plé ar Bhreatimeacht, rinne an dara ceann plé ar Mheabhairshláinte agus is é Tuilleadh Rannpháirtíochta a Fheabhsú sa Saol Poiblí agus sa Saol Polaitiúil/Saol na Parlaiminte é an téama de chuid Shiompóisiam na bliana seo.

Téama Shiompóisiam na bliana seo

Cinneadh ar théama Shiompóisiam na bliana seo i ndiaidh na hoibre a rinne an Fóram atá Báúil don Teaghlach a d’fhoilsigh a mholtaí i mí na Samhna 2021.

Tá sé d’aidhm ag moltaí an Fhóraim rogha ghairme i bpobal na parlaiminte a dhéanamh níos tarraingtí, níos tairbhí agus níos inrochtana d’fhir agus do mhná de gach aoisghrúpa agus ó gach cúlra saoil agus chun a chinntiú go mbíonn pobal na parlaiminte sa pharlaimint náisiúnta atá báúil don teaghlach agus cuimsitheach maidir lena chomhdhéanamh, a struchtúr, a chuid oibríochtaí agus a chuid modhanna oibre. Cuimsítear leis seo, na dúshláin ar an gcaoi is fearr chun méadú a dhéanamh ar líon na dTeachtaí Dála agus na Seanadóirí a thoghfar as cúlraí éagsúla. Chomh maith leis sin, cuimsíodh leis, torthaí Tionóil Saoránach um Chomhionannas Inscne a tharla le gairid.

Ba iad seo a leanas na trí théama a bhfuiltear ag díriú orthu i Siompóisiam na bliana seo:   

• Éagsúlacht de chuid na hÉireann sa 21ú haois a thabhairt chun solais i bPobal na Parlaiminte
• Ionadaíocht a dhéanamh ar leas na nDaoine Óga
• Rannpháirtíocht na mBan a chur chun cinn i bPobal na Parlaiminte

Cé a d’fhreastail ar an Siompóisiam

• Comhaltaí den Oireachtas ón Dáil agus ó Sheanad Éireann
• Comhaltaí de Thionól Thuaisceart Éireann (CTRanna)
• Comhaltaí Éireannacha de Pharlaimint na hEorpa,
• Iarchomhaltaí
• Ardmhéaraí ó na hÚdaráis Áitiúla
• Eagraíochtaí Ábhartha Neamhrialtasacha
• Ard-Rúnaithe ó na Ranna Rialtais
• Ambasadóirí an Aontais Eorpaigh

Clár Beoshruthaithe Siompóisiam

Ba imeacht aon lae amháin é an chomhdháil agus rinneadh seisiúin roghnaithe den chlár Siompóisiam a bheoshruthú. Cuimsíodh an méid seo a leanas leis an gclár beoshruthaithe:

---

Am	Imeacht
10:30 — 10:45	Fáilte ó Sheán Ó Fearghaíl, an Ceann Comhairle agus Doireann Garrihy, Bean an Tí
10:45 — 11:00	Seisiún 1: “Éagsúlacht de chuid na hÉireann sa 21ú haois a thabhairt chun solais i bPobal na Parlaiminte” Spreagaitheasc: Furkan Karayel – Údar, agus Cainteoir Éagsúlachta agus Cuimsithe
11:00 — 12:00	Díospóireacht an Phainéil: Seanadóir Fintan Warfield (Áisitheoir) Seanadóir Eileen Flynn (Painéalaí) Stephen Frost – Saineolaí Éagsúlachta, Cuimsithe agus Ceannaireachta (Painéalaí) Shairoze Akram – Ambasadóir Éagsúlachta CLG (Painéalaí) Nicola Kelly – Oibrí Forbartha, Líonra Eagraíochtaí Ionchathrach (Painéalaí)
12:00 — 12:15	Ceist & Freagra
12:15 — 12:30	Grianghraf Teaghlaigh - an Chlólann - Beoshruthú ar fionraí
12:30 — 14:00	Lón - Beoshruthú ar fionraí
14:45 — 14:15	Seisiún 2: Ionadaíocht a dhéanamh ar leas na nDaoine Óga Spreagaitheasc: Harry McCann – Bunaitheoir Comhairle Dhigiteach na nÓg
14:15 — 15:15	Díospóireacht an Phainéil James O’Connor TD (Áisitheoir) Agata Walczak – Bainisteoir, Tionscadal Domhanda ar Pharlaimintí mar Mhná Tugtha Tacaíochta don Pháirtí, Síocháin agus Slándáil Clár Forbartha na Náisiún Aontaithe (Painéalaí) An Comhairleoir Daniel Céitinn – Sinn Féin (SF) (Painéalaí) Israel Olatunde – Lúthchleasaí Gairmiúil cluichí raoin is faiche de chuid na hÉireann (Painéalaí) Noah Halpin – Oifigeach Cúraim Sláinte TENI (Painéalaí)
15:15 — 15:30	Ceist & Freagra
15:30 — 15:40	Sos Suaimhnis — beoshruthú ar fionraí
15:40 — 15:55	Seisiún 3: Rannpháirtíocht na mBan a chur chun cinn i bPobal na Parlaiminte Spreagaitheasc: Rachael Rollins (Ard-Aighne na Stát Aontaithe le haghaidh Ceantar Massachusetts) (Rannpháirtíocht Fhíorúil)
15:55 — 16:55	Díospóireacht an Phainéil: Jennifer Carroll MacNeill Teachta Dála (Áisitheoir) An Breitheamh Patricia Torsney, Breathnóir Buan chuig na Náisiúin Aontaithe – Aontas Idirpharlaiminteach (Painéalaí) Emily O’Reilly – Ombudsman Eorpach (Painéalaí) (Rannpháirtíocht Fhíorúil) An Comhairleoir Yemi Adenuga – Polaiteoir Nigéarach-Éireannach (Fine Gael) (Painéalaí) Rachel Weston Eschenbacher – Saineolaí Beartais Réigiúnaigh ar Rannpháirtíocht agus Rialachas Polaitiúil, Mná na NA san Eoraip agus Oifig Réigiúnach na hÁise Láir (Painéalaí) Alison Cowzer, Cathaoirleach ar Women for Election (Painéalaí)
16:55 — 17:10	Ceist & Freagra
17.10 — 17:30	Ráitis Chlabhsúir ó Sheán Ó Fearghaíl, an Ceann Comhairle agus Mark Daly, Cathaoirleach
17:30	Deireadh an Bheoshruthaithe