Is é an tAontas Idirpharlaiminteach (IPU) eagraíocht idirnáisiúnta na bparlaimintí. Bunaíodh in 1889 é.
Is é an tAontas Idirpharlaiminteach an príomhardán faoi choinne idirphlé parlaiminteach domhanda. Oibríonn sé chun síocháin agus comhoibriú i measc daoine a bhaint amach agus chun daonlathas ionadaíoch a dhaingniú. Tacaíonn sé le hobair na Náisiún Aontaithe agus oibríonn sé i ndlúthchomhar leis. Tá na cuspóirí céanna acu araon. Lena chois sin, comhoibríonn an tAontas Idirpharlaiminteach le heagraíochtaí idirpharlaiminteacha réigiúnacha, agus le heagraíochtaí idirnáisiúnta idir-rialtasacha agus neamhrialtasacha a spreagann na hidéil chéanna.
An Seanadóir Jerry Buttimer, Cathaoirleach Sheanad Éireann
Éisteacht de Chomhthionól an Aontais Idirpharlaimintigh, Luanda, Deireadh Fómhair 2023
Labhair Cathaoirleach an tSeanaid, an Seanadóir Jerry Buttimer ag an 147ú comhthionól den Aontas Idirpharlaiminteach, a reáchtáladh in Luanda, Angóla, i mí Dheireadh Fómhair, 2023.
Seisiúin de chuid an Aontais Idirpharlaimintigh
Tionólann an tAontas Idirpharlaiminteach dhá chomhthionól ginearálta gach bliain chun parlaiminteoirí ó fud fad na cruinne a thabhairt le chéile. Bíonn an tOireachtas rannpháirteach sna comhthionóil sin agus bíonn toscaireacht na hÉireann á stiúradh ag an gCeann Comhairle nó ag an gCathaoirleach de ghnáth.
Cad a dhéanann an tAontas Idirpharlaiminteach?
Déanann an tAontas Idirpharlaiminteach an méid seo a leanas:
- cothaíonn sé teagmháil, comhordú, agus malartú taithí i measc pharlaimintí agus pharlaiminteoirí na dtíortha uile
- measann sé saincheisteanna arb ábhar leasa agus imní ar bhonn idirnáisiúnta iad agus nochtann sé a thuairimí faoi shaincheisteanna den sórt sin d'fhonn parlaimintí agus parlaiminteoirí a spreagadh chun gnímh
- cuireann sé le cosaint agus le cur chun cinn chearta an duine – gné ríthábhachtach d'fhorbairt agus de dhaonlathas parlaiminteach
- cuireann sé le heolas níos fearr ar oibriú na n-institiúidí ionadaíocha agus le neartú agus forbairt a gcuid modhanna gníomhaíochta
146ú Tionól an Aontais Idirpharlaimintigh, Manama, Bairéin, 2023. Íomhá: An tAontas Idirpharlaiminteach
©IPU/Pierre Albouy, 2016
Foghlaim tuilleadh
Féach ar shuíomh gréasáin an Aontais Idirpharlaimintigh (IPU) chun tuilleadh eolais a fháil.
Sonraí teagmhála
An tAonad Idirpharlaiminteach
Seirbhís Thithe an Oireachtais
Teach Laighean
Sráid Chill Dara
Baile Átha Cliath 2
D02 XR20